WAFUGAJI ZAIDI YA 3000 NCHINI WAKUTANA LEO KWENYE KONGAMANO LAO IGUNGA TABORA

  Naibu Katibu Mkuu CCWT Ally Manonga (pichani)

.................................

 Na Victor Makinda, Igunga 

Zaidi  ya wafugaji 3000 na wadau wengine wa sekta hiyo hiyo,  kutoka maeneo mbali mbali nchini, wamekutana wilayani Igunga mkoani Tabora kwa ajili ya kufanya Kongamano kubwa la kujadili mafanikio na changamoto zinazoikabili sekta hiyo. 

Hayo yameelezwa leo mjini Igunga na Naibu Katibu Mkuu wa Chama Cha Wafugaji Tanzania (CCWT) Ally Manonga (pichani)

Manonga amesema kuwa serikali ya awamu ya sita inayoongozwa na Rais wa Jamhuri  ya Muungano wa Tanzania, Samia Suluhu Hassan, imetatua matatizo mengi yaliyokuwa yakiikabili sekta ya ufugaji nchini, zipo changamoto chache zinazoikabili ambazo bado zinaikabili sekta hivyo hivyo kongamano hilo litajadili na kupendekeza utatuzi wa changamoto hizo.

"Matatizo mengi ya wafugaji yametatuliwa, bado yapo machache ambayo pia yanatakiwa kutupiwa jicho ili kuyapatia ufumbuzi wa kudumu". Amesema.

Manonga amesema kuwa katika kongamano hilo watajadili mafanikio, changamoto na namna ya kutatua changamoto zilizosalia.

WAFUGAJI ZAIDI YA 3000 NCHINI WAKUTANA LEO KWENYE KONGAMANO LAO IGUNGA TABORA Reviewed by BLOGTZ on July 28, 2024 Rating: 5

TUSOME MAGAZETI YA LEO JUMATATU JULAI 22, 2024 KUTOKA MKOA WA TA

MKUU WA MKOA WA TABORA AHIMIZA WANANCHI KUWAFICHUA WAGENI KWENYE ZOEZI LA USAJILI VITAMBULISHO VYA TAIFA

 

Mkuu wa mkoa wa Tabora Mhe. Agrey Mwandri akiongea na wananchi wa kijiji cha Ussoke Mlimani kushiriki zoezi la usajili wa Vitambulisho vya Taifa. Kushoto ni Maafisa wa NIDA Emiliana Temu na Grace Msacky.

Mwenyekiti wa kijiji cha Ussoke Kilimani Bw. Jackson Kitwe (kushoto/mwenye kofia) Akitoa maelezo kwa Mkuu wa Mkoa Mhe. Agrey Mwandri na Mkuu wa Wilaya ya Urambo Mhe. Anjelina George Kwingwa walipofanya ziara kijijini hapo.  
  Afisa Usajili mkoa wa Tabora Bi Grace Msacky akiwa na Mkuu wa Mkoa Mhe. Agrey Mwandri wakihamasisha wananchi kujitokeza kwa wingi wakati wa zoezi la Usajili linaloendelea Wilayani humo.
 

 Wananchi wa kata ya Mpela wakiwa wamekusanyika kwenye ofisi za Kata ili kuhojiwa na Maafisa uhamiaji ikiwa ni sehemu ya kukamilisha Usajili Vitambulisho vya Taifa unaoendelea Wilayani humo.

Maelekezo hayo ameyatoa wakati alipofanya ziara ya kutembelea maendeleo ya zoezi la Usajili unaoendelea Wilaya ya Urambo kijiji cha Ussoke Kilimani.

“wananchi ndio mnaokaa na hawa watu; mnaifahamu vizuri historia yao na ujaji waoo kwenye maeneo yenu; msikae kimya na kuwaruhusu kujipenyeza kwenye hizi zoezi; tafadhali muisaidie Serikali” alihimiza.

Akimkaribisha Mkuu wa Mkoa huo kuzungumza na wananchi; Mkuu wa Wilaya ya Urambo Mhe. Anjelina Kwinga amesema zoezi la NIDA halina lengo la kuwabagua wananchi isipokuwa kila mtu anayeishi Wilayani humo atapata fursa ya kusajiliwa na kupata Kitambulisho kulingana na hadhi yake (Raia, Mgeni Mkaazi au Mkimbizi).

Aidha amewataka viongozi wote wa Kata na Vijiji kutoa ushirikiano kwa NIDA na kuwasaidia wananchi kusajiliwa pindi zoezi linapofika kwenye maeneo yao.

RC TABORA: TUMIENI FEDHA ZENU ZA MAUZO YA MAZAO KUJILETEA MAENDELEO NA SIO STAREHE NA TIGANYA VINCENT

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Baadhi ya wakazi wa Kijiji cha Muhuridede wilayani Uyui wakifuatilia mafunzo ya unynyuziaji wa dawa sahihi za kuua wadudu katika zao la pamba yaliyokuwa yakiendeshwa na Mkuu wa Mkoa wa Tabora Aggrey mwanri katika ziara yake katika maeneo mbalimali ya kuokoa zao hilo.

  Mkuu wa Mkoa wa Tabora Aggrey Mwanri (kushoto) akiendesha mafunzo ya njia sahihi za kunyunyuzia dawa za kuua wadudu katika zao la pamba katika Kijiji cha Muhuridede wilayani Uyui jana. Kulia ni Kaimu Mkuu wa Wilaya ya Uyui Queen Mlozi.

RS TABORA

12 MARCH 2018

WAKULIMA wa Pamba na mazao mengine Mkoani Tabora wametakiwa kutumia fedha zinazotokana na  mauzo ya mazao yao katika shughuli za kuendeleza  familia zao na kupanua shughuli zao za kilimo ili waweze kuondokana na kilimo cha kizamani na waendeshe shughuli zao kisasa.

Kauli hiyo imetolewa jana Wilayani uyui na Mkuu wa Mkoa wa Tabora Aggrey Mwanri wkati wa ziara yake katika maeneo mbalimbali mkoani humo kuelimisha wakulima wa pamba juu ya unyunyuziaji sahihi wa zao hilo kwa ajili uya kuua wadudu waharibifu.

Alisema fedha wanazozipata ni vema wakazitumia kwa matumizi sahihi na mahitaji ya lazima badala ya kutumia fedha hizo kwa shughuli ambazo sio za msingi kama vile starehe, ulevi, shughuli za ushirikina ambazo kwa kiasi kikubwa zinawarudisha nyuma kimaendeleo na kuzifanya familia zao kuendelea kuishi maisha duni.

"Ndugu zangu najua mtapata fedha nyingi kwa kuwa mumelima pamba kwa wingi na vizuri ...naomba tumieni fedha mtakazopata katika kujenga nyumba nzuri, kula vizuri, kusomesha watoto wenu, kuvaa nguo nzuri na ikibidi kununua vyombo vya usafiri kwa ajili ya matumizi ya familia zenu" alisema Mwanri.

Alisema kuwa fedha watakazopata ni vema pia zikawasaidia katika kuboresha kilimo chao na kukitoa katika hali ya kilimo cha mazoea cha kuzalisha mazao kwa ajili ya matumizi ya kila siku na kuingia katika uzalishaji ambao unampa mkulima ziada ambayo ndio itakayomwezesha kupata maendeleo.

"Tukitaka kufanikiwa ndugu zangu wakulima wangu wazuri ambao ninawapenda ni kulenga katika uzalishaji unaowapa ziada...bila ziada hakuna maendeleo...ziada ndio itawasaidia kuwa na fedha kwa ajili ya kununua mabati, ziada ndio itawasaidia kununulia simenti na vitu vingine kwa ajili ya kuboresha maisha yenu" alisema Mkuu huyo wa Mkoa.

Mkuu huyo wa Mkoa alisema ni jukumu la viongozi kuwatahadharisha wananchi ikiwemo wakulima kuwa na matumizi shaihi ya mapatao ya ili kujiletea maendeleo yao binafsi na Taifa kwa ujumla.

Naye Mwenyekiti wa Halmashauri ya Wilaya ya Tabora-Uyui Said Ntahondi aliwataka wanaume kuacha kutumia fedha wanazozipata kutokana na mauzo ya mazao bila kuwashirikisha wake zao kwa kuwa kufanya hivyo mara nyingine fedha zinaishia katika matumizi yasiyo sahihi.

Alisema pindi wanapopata fedha ni vema wakaweka vikao vya kifamilia ili kubaini vipaumbele vya matumizi ya fedha walizopata kabla ya kuanza kuzitumia ili ziweze kunufainisha watu wote katika familia.

Naye Mkulima kutoka Kijiji cha Muhuridede wilayani Uyui Helena Augustino aliwaomba wanaume kuzingatia ushauri wa Mkuu wa Mkoa wa Tabora wa kupenda kukimbilia mijini pindi wanapokea fedha za mauzo na kujikuta zikimalizika katika anasa na starehe huko familia ikiendelea kutabika.

Alisema inapotea hali hiyo wanaopata shida ni wanawake na watoto ambao kwa kiasi kikubwa ndio wanaoshiriki katika shughuli za shamba

MWISHO

mwisho

CKHT SAIDIENI KATIKA UJENZI WA TANZANIA YA VIWANDA-WAZIRI MKUU MSTAAFU

NA TIGANYA VINCENT

RS TABORA

26 February 2018

WAZIRI Mkuu Mstaafu wa Jamhuri ya Muungano wa Tanzania na Mkuu wa Chuo Kikuu Huria cha Tanzania(CKHT) Mizengo Pinda ametoa wito kwa Wataalamu wa Chuo hicho kutoa mafunzo  ambayo yatawasaidia wananchi kuleta mageuzi ambayo yatawezesha katika ujenzi wa Tanzania ya Viwanda na hivyo kutimiza  lengo la Serikali ya Awamu ya Tano.

Mkuu huyo wa Chuo Kikuu hicho alitoa kauli hiyo mjini hapa wakati akizungumza na Watumishi na Wanachuo wa CKHT  Tawi la Tabora wakati wa ziara ya siku moja chuoni hapo.

Alisema kuwa Chuo hicho kinayo nafasi kubwa ya kuleta mageuzi yatakawawezesha wananchi wengi waweze kutoa mchango wao katika ujenzi wa uchumi wa viwanda hapa nchini na hivyo kusaidia katika mapambana dhidi ya umaskini.

Mkuu huyo wa Chuo hicho alisema kuwa hiyo itawezekana ikiwa elimu itakayotolewa itakuwa ikisaidia katika kujibu matatizo ya wananchi kwa kuwa na wahitimu ambao wanaweze kuwa mfano kwa wananchi ili waweze kujifunza kwao mbinu zitakazowawezesha kujiletea maendeleo.

Aidha Waziri Mkuu huyo Mstaafu aliwataka Watendaji na wadau mbalimbali kusaidia kuwahamasisha walimu wengi hasa wa shule za Msingi kujiunga na Chuo hicho katika maeneo mbalimbali ili waweze kujiendeleza zaidi na kuboresha mbinu za ufundishaji.

Alisema kuwa Chuo Kikuu Huria kikitumiwa vizuri kinamchango mkubwa wa kuleta mageuzi katika sekta ya elimu na nyingine na kuweza kuboresha ufaulu hata katika maeneo ambayo wanafunzi walikuwa hawafanyi vizuri katika mitihani yao ya kumaliza elimu ya msingi.

Waziri Mkuu huyo Mstaafu aliongeza kuwa hatua itasaidia sana kuleta tija katika mbinu ufundishaji itakayoasaidia katika kuongeza ufaulu wa wanafunzi wote hata wale wenye mahitaji maalumu.

Katika hatua nyingine Mkuu huyo wa Chuo Kikuu Huria cha Tanzania amewaagiza Wataalamu wake kuangalia jinsi ya kuandaa utaratibu na vigezo vya upimaji wa vituo mbalimbali katika matawi yake nchini ili kuona ni Kituo gani kimefanya vizuri na Kituo cha mwisho.

Alisema kuwa hatua hiyo itawasaidia kujua kama Kituo kimekuwa cha mwisho sababu ni nini na kama ni walimu waweze kutatua na hivyo kufanya waweze nao kufanya vizuri.

“Kama tunavyofanya katika elimu ya msingi na sekondari , nimeagiza Wataalamu waangalie jinsi ya kuanza kupima ufaulu wanachuo wetu katika Vituo vya Chuo Kikuu Huria ili tujue cha kwanza na cha mwisho…kama kituo kitakuwa cha mwisho tujue na sababu, kama ni udhaifu wa wakufunzi tuweze kulifanyia kazi” alisema Mkuu huyo wa Chuo.

Naye Mkurugenzi wa CKHT Tabora Noel Nkombe alisema kuwa Tawi hilo linakabiliwa na tatizo na ukosefu wa majengo kwa ajili ya utoaji wa huduma kwa wanachuo , jambo ambalo limewafanya wafanye kazi kwa kuhama hama mara kwa mara.

Alisema kuwa ili kukabiliana na tatizo hilo tayari wamepata kiwanja katika eneo la Ipuli katika Manispaa ya Tabora ambapo katikati ya mwezi ujao wanatarajia kuendesha harambee kwa ajili ya kupata fedha za kuanza ujenzi wa awali.

Akisoma risala ya wanachuo Katibu wa Serikali ya Wanachuo Tawi la Tabora Husna Suleyman alisema kuwa kwa kutambua tatizo la majengo kwa ajili ya Kituo chao , wao kwa hiari hayo wameamua kuchanga kila mmoja shilingi 30,000 ambapo zimepatikana milioni 6.1.

Alisema kuwa hatua hii inalenga kuunga mkono juhudi za uongozi wa CKHT za kutaka kuboresha mazingira ya wao kujisomea.

mwisho

 

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

ELIMU KWA WAFUGAJI WA NYUKI KUMEONGEZA UZALISHAJI WA ASALI HAPA NCHINI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 NA TIGANYA VINCENT

RS-TABORA

13 February 2018

SERIKALI ya Mkoa wa Tabora imesema mafunzo ambayo yanayotolewa kwa wafugaji wa nyuki hapa nchini yamesaidia kuongezeka uzalishaji wa mazao ya asali na hivyo kuwepo na uwekezaji katika biashara ya mazao ya nyuki.

Hatua hiyo imetokana kuwepo kwa soko kubwa dunia la mazao ya nyuki ambalo limefanya kuwepo na chachu kufungua mianya ya wafugaji na wafanyabiashara kutaka kujifunza juu ya uzalishaji unaoazingatia ubora na unaokubalika kitaifa na kimataifa.

Kauli hiyo jana na Kaimu Katibu Tawala Mkoa wa Tabora Nathilis Linuma wakati akifungua mafunzo ya siku tano ya wafanyabiashara wa biadha zinazotokana na nyuki katika Chuo cha Nyuki na kuwashirikisha washiriki kutoka Mwanza, Simiyu na wenyeji.

Linuma alisema takwimu zinaonesha kuwa uzalishaji wa mazao ya nyuki hususani asali na nta unaongezeka kutoka tani 9,000 za asali kwa mavuno ya  mwaka 2012  hadi tani 34,000 za asali kwa mavuno ya mwaka 2016 .

Aliongeza kwa mauzo ya nje ya asali yalikuwa tani 103.8 mwaka 2012 na kufikia tani 259.9 kwa mwaka 2016 yenye thamani ya Shilingi 2,257,410,880.

Linuma alisema kwa upande wa nta mwaka 2012 iliuzwa tani 277 ambapo hakukuwa na ongezeko na kasi kilichouzwa mwaka 2016 ilikuwa ni tani 251.9 yenye thamani ya Shilingi 4,549,643,832.

Kaimu Katibu Tawaka huyo wa Mkoa alisema kuwa ongezeko hilo la uzalishaji linatokana na mwitikio wa wananchi kupata elimu ya ufugaji wa kisasa na kuwekeza katika mashamba ya ufugaji nyuki nchini.

Aidha alisema kuwa ili uzalishaji uendelee kuongezeka ni vema wafugaji na jamii wakaendelea kuhakikisha wanatunza mazingira na kupanda miti kwa wingi ili nyuki wapate chakula cha kuzalishia asali na pia wasaidia mimea mashambani.

Kwa upande wa Mkuu wa Chuo cha Ufugaji Nyuki Tabora Semu Daud alisema wameamua kutoa mafunzo ya muda mfupi kwa wafugaji mbalimbali hapa nchini kwa lengo la kuhakikisha kuwa bidhaa wanazozalisha zinakubalika ndani na nje ya Tanzania.

Alisema wanashirikiana na Shirika la Viwango Tanzania(TBS), Mamlaka ya Chakula na Dawa(TFDA) ili kuhakikisha mazao yanayozalishwa yanakuwa yanaviwango viwango vinakubalika na Mamlaka ya Maendeleo ya Biashara Tanzania (TanTrade) kwa ajili ya kuwatafutia masoko ndani na nje ya Tanzania.

Tanzania ina maeneo makubwa ambayo ufugaji nyuki unatekelezwa, baadhi ya mikoa hiyo ni pamoja na Dodoma, Singida,  Shinyanga, Tabora, Kigoma, Simiyu, Mwanza, Katavi na Kagera ambayo inapitiwa na barabara iendayo Burundi, Rwanda na Uganda, barabara hii ni fursa kwa mazao ya nyuki kuelekea soko la nchi jirani.

MWISHO

WAZIRI NCHEMBA: VITAMBULISHO VYA TAIFA VITAONDOA MAPINGAMIZI YA URAIA KATIKA CHAGUZI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

 Na Tiganya Vincent-rs Tabora

Vitambulisho wa uraia vitasaidia kuwa na utambuzi wa wananchi utakao ondoa ile tabia ya baadhi ya watu kutilia mashaka wakati wa shughuli mbalimbali ikiwemo kipindi kushiriki katika zoezi la uchaguzi wote wote.

Kauli hiyo ilitolewa jana mjini Tabora na Waziri wa Mambo ya Ndani ya Nchi, Dkt.Mwigulu Nchemba wakati uzinduzi wa zoezi la usajili wananchi kwa ajili ya vitambulisho vya kitaifa mkoani humo.

Alisema kuwa mara nyingi mtu anapogombea nafasi yoyote hapa nchini au kunapokuwepo na migogoro ya kugombania mashamba ndio suala la kusema kuwa huyo sio raia linapojitokeza.

Dkt. Nchemba alisema wananchi wenye sifa kuchangamkia zoezi la usajili na upataji wa vitambulisho vya uraia ili kuepuka matatizo kama vile migogoro ikiwemo ya mapingamizi wakati chaguzi mbalimbali na kuiweza Serikali kupanga mipango mbalimbali ya maendeleo kwa ajili ya wananchi wake

Alisema kuwa hata uchumi wa kisasa unaanza na kutambua kwa Serikali kutambua watu iliyonao na ndipo ipange mipango ya maendeleo kwa ajili yao.Waziri huyo aliongeza kuwa hata kwenye vyombo vya fedha kama vile Benki zimekuwa zikiweka riba kubwa katika mikopo kwa sababu ya baadhi wananchi kukosa utambulizi

Naye Kaimu Mkurugenzi Mkuu wa Mamlaka ya Vitambulisho vya Taifa (NIDA) Andrew Massawe alisema jitihada hizi zote zimelenga kusaidia Serikali na wananchi kutambulika na hatimaye Mashirika, Taasisi na Makampuni nchini kutumia mfumo huu kutoa huduma zenye ubora na tija kwa Taifa.

Alisema mfumo huu una faida nyingi kwa Taifa na mwananchi mmoja mmoja kama vile kuimarisha Ulinzi na Usalama wa nchi, wananchi kutambulika kwa haraka pindi wanapofika kupata huduma za afya na Elimu.

Massawe alisema kuwa faida nyingine ni kurahisisha utambuzi wa makundi yenye mahitaji maalumu ikiwemo utambuzi wa kaya masikini unaofanywa na Mfuko wa Maendeleo ya Jamii (TASAF) na upatikanaji wa huduma za kifedha na Simu kirahisi.

Kwa upande wa Kaimu Mkuu wa Mkoa wa Tabora Queen Mlozi aliwaagiza viongozi wa ngazi zote mkoani humo kuhakikisha kuwa anayesajiliwa na kupata kitambulisho cha uraia ni yule mwenye sifa na sio mgeni.

Alisema Serikali ya Mkoa wa Tabora haitasita kumchukulua mtu yoyote atayeshiriki katika udanganyifu utaosababu watu wasio raia kupata vitambulisho vya uraia.

Queen alisema kuwa kila mmoja ni vema akasimama katika nafasi yake kuhakikisha kuwa anafanya kazi kwa umakini na uadilifu wa hali ya juu ili kuleta ufanisi.

Alitoa wito kwa jamii kusaidia kuwafichua watu wasio raia wanaotaka kujipenya ili wapate vitambulisho vya uraia