TUGHE Tabora kutowatetea watumishi wasiowajibika

CHAMA cha watumishi wa serikali Kuu na Afya,TUGHE,Mkoani Tabora,kimeeleza kuwa hakitawatetea watumishi wanaokwenda kinyume cha sheria,kanuni na taratibu za kazi zao.

Mwenyekiti wa Chama hicho Mkoa wa Tabora,Bw.Ezra Lema,amesema kutokana na hali hiyo watumishi ni lazima wafuate mikataba yao ya ajira na kama inatokea wanaonewa hapo chama chao kitawatetea kwa nguvu zote.

Akizungumza mara baada ya kumalizika kwa kikao cha kamati tendaji Mkoa,Mwenyekiti huyo amesema chama chake kitawatetea watumishi ambao waajiri wao hawakutimiza wajibu wao baada ya wao kutimiza wajibu wao.

Akiwazungumza viongozi wa matawi,Bw,Lema amesema ni muhimu wakapata elimu ya mahusiano kazini  ili wafanye kazi zao kwa ufanisi zaidi tofauti na ilivyo sasa.

Kwa upande wake Mwenyekiti wa wanawake wa chama hicho mkoa wa Tabora,BI. Plaxeda  Mkwira, amesema wanawake wa chama hicho wengi hawajui haki zao na wanafanya jitihada za kuwaelimisha kuzijua haki zao.

Kikao hicho pia kiliazimia kwa viongozi kutembelea wanachama wao kwenye matawi na kutoa elimu kwao kwani ndio muhimu na kukifanya chama hicho kuwa imara zaidi.