**************
Na Hastin
Liumba,Kaliua-Tabora yetu blog
TUMEFIKIA
mahali tunaishi katika ardhi ya nchi
yetu kama wakimbizi,huku tukinyanyasika sana kwa kigezo cha sisi kuwa wafugaji
mifugo, tunaelezwa mifugo yetu inaharibu vyanzo vya maji, mazingira na hifadhi
za taifa.
Hayo ni maneno
yaliyotamkwa na mfugaji Gunze Pamagi wakati akiongeza na mwandishi wa makala
hii katika kijiji cha Lumbe wilaya ya Kaliua mkoani Tabora.
Pamagi anasema
hatua hiyo imekuja na kuitamka kauli hiyo kwa uchungu hasa baada ya miaka mingi
jamii ya wafugaji kunyanyasika ndani ya ardhi ya nchi yao kama vile hawana kwao
ni kama wakimbizi.
Mfugaji huyo
anasema wamejitahidi kufuata taratibu za hifadgi lakini kila wanaoonyeshwa
maeneo ya kuchungia kunyweshea tena kwa vibali na mihutasari ya vikao na
serikali ya vijiji bado wamekuwa wakikamatwa na mifugo yao na mara nyingine
wamekuwa wakipigwa risasi ama mfugaji kufa kwa ugonjwa wa moyo baada ya
kufikilisiwa.
“Pamoja na jamii
ya wafugaji kuwa na mchango kwa taifa hili hasa mazao ya mifugo kama
maziwa,nyama,uchangiaji shughuli za maendeleo na zao la ngozi bado tumekuwa
wahamishwa kutwa kucha licha kulipa faini kwa kigezo cha kuchungia kwenye
maeneo ya hifadhi.”aliongeza.
Anasema
kinachowasikitisha sana ni jinsi wanavyoonyeshwa mipaka ya kuchungia na
serikali za vijiji lakini ghafla baada ya siku chache wanakamatwa kwa mitutu ya
bunduki na askari wa maliasili na kujulishwa wameingia kwenye hiafadhi.
Mapema jumapili ya
mwezi oktoba 12 mwaka huu, ng`ombe 5,000 zilikamatwa na askari wa hifadhi na
tukajulishwa kuwa wameingia kwenye vyanzo vya maji na hadi sasa tumeshindwa
kuwakomboa kutokana na faini kuwa kubwa.
Pamagi anasema
ndani yake wapo wafugaji kadhaa ambao ni Gunze Pamagi Mjanandege Doto ,Mulani
Mabatula ,Lesio Nhumai.
Wengine ni Sitesheni
Swila ,Mashilili Shija ,Lukalalila Jitungo ,Anthony Bahebhe ,Masanja Tama na
Fungameza Lugulu.
Baada ya kukamatwa kwa ng`ombe wao.
Pamagi anasema
baada ya kukamatwa kwa ng`ombe hao na kuelezwa kuwa wameingiza mifugo yao
kwenye hifadhi ya vyanzo vya maji katika hifadhi ya Pori la akiba la
Ugala,wametakiwa kulipa faini kila ng`ombe sh 180,000 faini ambayo haikuwahi
kulipwa toka wameanza kufuga.
Anasema
wanashangazwa na faini hiyo kwani wanachojua wao faini ya siku zote ni sh
10,000 japokuwa wamewaeleza watu wa hifadhi kuwa wapo tayari kulipa kila
ng`ombe sh 30,000 lakini imeshindikana.
Anasema hatua hiyo
iliwafanya kutafuta mwanasheria Moses Mahenge toka kampuni ya uwakili ya
Tutashinda Legal and Centre ya Kisarawe kwani ukipiga hesabu ya faini ya sh
180,000 kwa kila ng`ombe maana yake zinatakiwa sh milioni 900 fedha ambazo
hatuna.
Hali ilivyo kijiji cha Lumbe walikohifadhiwa ng`ombe
hao.
Pamagi anasema
hadi sasa kuna ng`ombe takribani ni zaidi ya 50 wakiwemo ng`ombe wakubwa na
ndama wanaozaliwa eneo la tukio kutokana na kukosa malisho na maji.
Wamejitahidi sama
kujadiliana na watu wa maliasili juu ya malisho kiasi cha kukubaliana wachungwe
lakini wenzetu wamekuwa wakikaidi na kuwabadilikia kila mara tena kwa vitisho
vikali.
Aidha anaongeza
kuwa hadi sasa zipo taarifa kuwa kuna kundi la ng`ombe walionekana wakiswagwa
huku nyama zikizagaa mitaani zikiuzwa bila kuelewa ni mifugo yao ama la na
ndiyo maana wanaona kama wapo kwenye nchi isiyo ya kwao walipoazaliwa.
Kwa upande wake
mfugaji mjanandege Doto anasema yeye binafsi ana ng`ombe 200 waliokamatwa
akidaiwa waliingia kwenye chanzo cha maji.
Doto anasema
anashangazwa na hatua ya mifugo yake kukamtwa kwani kuna muhutasari wa mwaka
mwezi septemba 2,2009 ulihusisha serikali ya kijiji cha,wafugaji,diwani na
katibu tarafa ukiruhusua wafugaji hao kuishi eneo hilo.
Anasema muhutasai
huo unaonyesha makubaliano hayo kutokana na magizo ya mkuu wa wilaya kuhusiana
na hifadhi na uchangiaji miradi ya maendeleo kama ujenzi wa sekondari nyumba za
walimu na zahanati.
Aidha muhutasari
huo unaonyesha serikali ya kijiji cha Lumbe kata ya Ukumbisiganga ilivyowapokea
wafugaji watatu ambao ni Richard Nyanda Maduka mwenye ng`ombe 300,Amlani
Matatula ng`ombe 300 na Redio Numai ng`ombe 400.
Anafafanua kuwa
wafugaji wengine waliotuma maombi ya kuhamia kijiji cha Lumbe na kukubaliwa ni
Stesheni Swila ng`ombe 150,Nganza Ngassa ng`ombe 300,Mashiri Shija ng`ombe
200,Kitungulu Lutamla ng`ombe 200 na Mjanandege Doto ng`mbe 200.
Akionyesha
muhutasari unaonyesha aliyekuwa afisa maliasili marehemu Fedrick Yerenimo
Nkolle kuwa kijiji kinatakiwa kiwe na ng`ombe 3000 tu na walielezwa moja ya
masharti mwaka 2008 walichangia fedha za ujenzi wa majengo mawili ya shule ya
msingi Lumbe na walianya hivyo.
Anasema
makubaliano haya yapo kwenye muhutasari na zaidi wameweka sahihi na dole gumba
kukukaliana na maelezo na masharti ya serikali ya kijiji sasa wanashangazwa na
hali hii inayojitokeza na kuona kuwa wananyanyasika kwenye ardhi ya nchi yao.
Anasema hadi
kufikia leo mwezi oktoba 22 2013 bado watu wa maliasili wameng`ang`ani kiasi
cha faini sh 180,000 wakati mkuu wa mkoa waliomba kiasi hichi kiangaliwe upya
ili kuondoa tofauti na mgogoro uliopo.
“Tumeamua kuiachia
serikali ya mkoa itusaidia kwani hapa tunaona kabisa tunakufa kisaikolojia
hatuna jinsi zaidi ya kujiona tunaiongia kweny umasikini.”alisema.
Mkuu wa mkoa wa Tabora azuru eneo hilo kutafuta
suluhu.
Akijibu malalamiko
hayo mkuu wa mkoa wa Tabora Fatma Mwassa alisema licha ya yeye mwenyewe kuja
kujionea hali hiyo lakini suala hilo ni operesheni ya kitaifa siyo ya kimkoa.
Mwassa alisema
anachotaka kufanya ni kuwaombea kwa waziri mwenye dhamana ili waweze kulipa
faini stahiki lakini kwa sasa yeye hana maamuzi yoyote.
Hata hivyo mkuu
huyo wa mkoa aliwashauri wafugaji hao kuwa licha ya adha wanayopata siyo kwamba
serikali haiwajali bali wanachotakiwa ni kupunguza mifugo yao ili wasipate
changamoto inayowakabili.
“Punguzeni mifugo
yenu ni mingi ndiyo maana mnakosa malisho na maji.....siyo lazima uwe na mifugo
yote hii mkipunguza mnaweza mkaanzisha biashara nyingine mtakuwa mmeepukika na
dha mnayopata.” Aliwaasa.
Naye meneja wa
Pori la akiba la Ugala aliyejitambulisha kwa jina moja la Lyimo alimueleza mkuu
wa mkoa kuwa wafugaji hao bado wana
nafasi ya kwenda ofisi zao kujadiliana namna ya kumaliza suala hilo.
Hadi kufikia jana
jumatatu meneja wa Pori la akiba la Ugala Lyimo aliliambia gazeti hili kuwa
faini ya kiasi cha sh 180,000 kiko pale pale hakiepukiki wafugaji wanapaswa
kulipia kwani wana kosa.
Na Tabora yetu Blog
0 comments:
Post a Comment