SIKONGE KUTUMIA SH MILIONI 500 KATIKA HUDUMA ZA MAJI.‏

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na Hastin Liumba,Sikonge

HALMASHAURI ya wilaya Sikonge mkoa wa Tabora inatarajia kutumia kiasi cha sh milioni 500 kuboresha huduma za maji katika kipindi mwaka 2013/2014.

Kaimu mhandisi wa maji wilaya ya Sikonge Jaffar Wibonela alisema kwenye taarifa yake kwa mkuu wa mkoa wa Tabora Fatma Mwassa kwenye ufunguzi wa gati la Maji la kijiji cha Utyatya wilayani humo.

Wibonela alisema fedha hizo zinatarajia kuboresha huduma za maji katika vijiji na mji wa Sikonge.

Alisema hadi sasa halmashauri imeshapokea kiasi cha sh milioni 300 kati y ash milioni 500 zilizotengwa.

Mhandisi huyo alifafanu kwa kazi ambazo zitafanyika kwa kipindi hicho ni kujenga kisima kipya,kujenga nyumba ya mitambo,kununu na kusimika mitambo mipya na kujenga magati mapya manne.

Aliongeza kazi nyingine ni kupanua mtambo wa maji mjini Sikonge,kukarabati njia kuu ya kupandisha maji,kununu na kufunga mita kwa wateja 200 na kununua mtambo wa dharura.

Mhandisi huyo alisema hadi sasa kazi ambazo zimeshafanyika ni magati ya maji manne yamejengwa,mtambo mmoja wa dharura umenunuliwa ambao hadi sasa unafanya kazi.

Aidha aliongeza kuwa kazi nyingine iliyofanyika ni kujenga nyumba ya mitambo ambayo imeshakamilika na ujenzi wa kisima kipya ambacho kimeshakalika.

Hata hivyo mhandisi huyo alisema kazi ambazo zimepangwa lakini bado hazijafanyika ni ununuzi na usimikaji mitambo kazi ambayo mzabuni alishapatikana.

Aliongeza kuwa kazi nyingine ambayo itafanyika ni kufanya matengenezo ya njia kuu ya kupandisha maji kazi ambayo inasubiri usimikaji wa mitambo.