ZAIDI YA WATU 7000 WAPOTEZA AJIRA KWENYE MGODI NZEGA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

ZAIDI ya Wachimbaji wadogo 7000 katika mgodi mdogo wa dhahabu wa Mwanshina wilayani Nzega mkoani Tabora wamepoteza ajira zao walizo jiajiri wenyewe baada ya ofisi za madini kutoa masaa 48 kuondoka eneo hilo.

Kamishina wa Madini Nchini Paul Masanja akizungumza na mwanachi amesema kuwa wachimbaji hao wamevamia eneo la mwekezani Resolute ambapo hadi sasa bado lina milikiwa kiharali na mgodi huo.

Amesema kuwa kitendo cha kuvamie eneo hilo wachimbaji wadogo ni kuvunja sheria za madini  na kuongeza kuwa watu hao wanapaswa kuondoka ndani ya masaa 48 kuanzia sasa ili eneo hilo libaki wazi.

Wakizungumza kwa nyakati mbalimbali baadhi ya wachimbaji katika mgodi huo wamesema kuwa wamesikitishwa na kauli hiyo ya masaa 48 kuondoka eneo hilo huku wengine wakiwa hawana pesa.

Juma Ramadhani mkazi wa kahama amesema kuwa kitendo cha serikali kuwafukuza wachimbaji wadogo nikuongeza waharifu ikiwa ni majambazi,vibaka pamoja na wanawake kujiuza miili yao kutokana na ugumu wa maisha.

Alisema kuwa serikali inapaswa kuwa makini katika maamuzi hayo ili wananchi wake waweze kunufaika na rasilimali zao tofauti na kuwa wakimbizi ndani ya nchi yao kama jinsi inavyo endelea hivi sasa.