DARAJA LA MBUTU IGUNGA KUKAMILIKA 2014

MRADI wa ujenzi wa daraja la mbutu wilayani Igunga mkoani Tabora ambao unatarajia kugharimu zaidi ya shilingi billion 13 mpaka kukamilika mapema mwaka 2014 unatarajiwa kuwa chachu ya maendeleo.

Katibu mkuu wa umoja wa wanawake Tanzania amefanya ziara ya kushitukiza katika mradi huo ili kujionea utekelezaji wa Ilani ya uchaguzi ya Chama cha mapinduzi (CCM) huku akiwataka vijana wanaofanyakazi katika mradi huo kuwa wazalendo.

Mhe. Amina Makilagi ambae ni Katibu wa umoja wa wanawanake Tanzania anawasili hapa kujionea ujenzi wa daraja la mbutu wilayani Igunga ambao unatarajiwa kukamilika kuwa chachu ya maendeleo ya wananchi na kuepusha vifo ambavyo vimekuwa vikijitokeza nyakati za masika katika mto huu.

Katibu huyo akiwa ameambatana na viongozi wengine wa kitaifa wa Jumuia hiyo pamoja na viongozi wa mkoa wa Tabora anabainisha madhumuni ya ziara yake kuwa taarifa za kwenye karatasi sinzuri kama kufika katika eneo la mradi na kujua maendeleo.

Hapa katika utekelezaji wa mradi wa ujenzi wa daraja la mbutu nao kijana Adam Jumanne amesema wanatoa wito kwa vijana wenzao wanaoshinda vijiweni kuja kufanyakazi hapo kwani na fasi zipo.

Kwa upande wake mwakilishi wa Mbunge wa jimbo la Igunga Mariamagdalena Kafumu, amesema kukamilika kwa ujenzi huo kutawaondolea kero wananchi ya muda mrefu ambayo ikiwa ni pamoja na kusombwa na maji nyakati za msimu wa mvuas.

Katika ziara hii ya Katibu mkuu wa umoja wa wanawake Tanzania wilayani hapa pamoja na ujumbe wake wamesisitiza uzalendo na amani ili kuyafikia maendeleo ya kweli.