Watoa huduma watakiwa kuwa waminifu

WATOA huduma ngazi ya jamii wanaoshughulika kuzuia vifo vya akinamama na watoto wilayani Sikonge wametakiwa kufanya kazi zao kwa uaminifu na uadilifu mkubwa ili lengo la kukokoa vifo vinavyozuilika lifikiwe.

Akizungumza na watoa huduma hao wakati wa makabidhiano ya Baiskeli zilizotolewa na shirika la CARE kupitia mradi wake wa Tabasamu,Mkuu wa wilaya ya Sikonge,Bi Hanifa Selengu amewataka pia kujiepusha na vishawishi katika kazi yao.

Wakizungumzia malengo ya Mradi huo,Afisa wa CARE ,Bw.Waziri Rashid,amesema ni kuokoa maisha ya wanawake na watoto na kuongeza matumizi ya njia za uzazi wa mpango.

Nao watoa huduma ngazi ya jamii wakiongozwa na Bw.Mario Venance,wametaka ushirikiano kutoka kwa jamii ili kupunguza vifo vya akinamama na watoto vinavyoweza kuzuilika.

Mradi wa Tabasamu wa Shirika la CARE unatoa mafunzo kwa watoa huduma ngazi ya jamii kabla ya kuanza kufanya kazi huku ukiwa na lengo la kupunguza vifo vya akinamama na watoto ambapo watafikiwa laki moja na elfu themanini na sita, wilayani Sikonge.