CHAMA MSINGI KISANGA CHAPANIA KUJIKOMBOA.‏

 Picha ya pamoja ya uongozi wa chama cha msingi Kisanga toka kushoto ni Mwenyekiti wa chama Hicho Rashid Mazinge,diwani wa kata hiyo Abdllah Msumeno na mwenyekiti wa kijiji Yasin Matandula.

Na Hastin Liumba,Sikonge

• Ni chama cha wakulima 700 wa zao la tumbaku.

• chama kinalipia watumishi wake makato ya NSSF.

• Msimu huu wa 2013/2014 walenga kuzalisha kilo 1,400,000 za thamani ya sh bilioni 6.2.

CHAMA cha msingi Kisanga, kilichopo wilaya ya Sikonge mkoani Tabora,ni chama cha wakulima wa zao la Tumbaku ambacho kimekuwa kikijiendesha kwa mafanikio hadi sasa toka kimeanzishwa.

Chama hiki kilianzishwa mwaka 1998 kikiwa na wanachama 120 chenye namba za usajili za la Kisanga Amcos Ltd kimepewa usajili namba 540-TBR, hadi sasa chama kina wanachama 700.

Rashid Mazinge ni mwenyekiti wa chama cha msingi Kisanga na hapa anaelezea historia ya chama hicho kwa mwandishi wa habari wa makala hii toka kimeanzishwa mwaka 1998 kikiwa na wanachama 120 tu.

Mazinge anasema chini ya uongozi wake chama alikikuta kikiwa na wanachama 250 na kutokana na kusimama imara katika kutetea maslahi ya wakulima wanachama wamekuwa wakiongezeka siku hadi siku.

Anaongeza kuwa hadi kufikia msimu wa kilimo mwaka 2012/2013 chama kilikuwa na wanachama 600 na kupokea wanachama wapya 100 msimu wa 2013/2014 na kufikisha wanachama 700 hadi sasa na wamefanikiwa kupata faida kila msimu wa kilimo kila mwaka.

Mazinge anaelezea mikakati, malengo, faida na changamoto chache kwa chama hicho na kusema asilimia kubwa ya shughuli za kilimo chao ni faida kutokana na kujipanga vyema katika kilimo.

Uzalishaji msimu wa 2012/2013

 Anabainisha Chama kilikopa mkopo wa pembejeo Benki ya NMB Dola  692,000 sawa na sh  411,740,000 na  Chama kilinunua pembejeo na kuwakopesha wanachama kwa jitihada ya wanachama, walizalisha kilogramu za tumbaku 940,049 zenye thamani ya dola 1,846,132 ya ni thamani ya sh 2,935,349,880.

Mwenyekiti huyo alibainisha kuwa kipindi cha msimu wa 2012/2013 hakuna mkulima alilaza deni wala kudai katika chama cha msingi.

Aliongeza kutokana na uzalishaji huo walifanikiwa kuzalisha tani zenye thamani ya Dola 2,538,132 kiasi ambacho walilipa mkopo Benki ya NMB tawi la Sikonge na kubakiwa na kiasi cha Dola 1,846,132 Sawa na Tshs 2.935,349,880 kiasi ambacho kililipa wakulima kwa asilimia 100.

Aidha alisema kuwa kwa uzalishaji huo chama kimepata ushuru wa Dola 65,805 sawa na Tsh.104,629,950.

Mwenyekiti huyo alisema msimu huo hakukuwa na matatizo kutokana na wakulima wote walilipwa fedha zao,hakukuwa na utoroshaji wa tumbaku.

Changamoto kwa msimu wa 2012/2013.

Mazinge alisema kutokana na changamoto ya ukosefu wa maghala ya kuhifadhia tumbaku wanachama waliazimia kujenga ghala na hadi sasa wamechangia Dola 31,000 sawa na sh.49,290,000 ambapo Chama kimechangia Dola ya10,000 sawa na pesa ya Kitanzania 15,900,000.

Aidha alisema ghala wanalotarajia kujenga linakadiriwa kutumia kiasi cha sh ujenzi wa ghala hilo unatarajia kugharimu kiasi cha sh 99,000,000 ghala ambalo litakuwa na uwezo wa kuchukua tani 10 hali ambayo itasaidia kuondoa changamoto hiyo.

Alisema wakulima walikuwa wapata shida ya kuokosa maghala kwani walilazimika kukodo maghala vijiji vya jirani katika kata ya Mole, Kisanga,Mwamayunga na Utyatya ili kuhifadhia tumbaku yao kipindi cha masoko.

Mwenyekiti huyo aliongeza kuwa chama pia kimepitisha matumizi ya sh 19,000,000 kama posho ya mkutano mkuu wa wanachama mwezi februari 15,2014 msimu huu wa kilimo wa 2013/2014.

Michango ya maendeleo.

Mazinge alisema kutokana na umuhimu wa kutambua maendeleo ya kata hiyo chama kupitia wanachama wake wametoa kiasi cha sh 3,000,000,000 zitumike kwenye ujenzi wa ofisi ya kata ambayo tayari ujenzi wake umeshaanza.

Kutokana na changamoto za mikopo.

Aidha mwenyekiti huyo alisema kutokana na changamoto nyingi za mikopo chama kimeamua kuanzisha SACCOS inayojulikana kwa jina la Kisanga Saccos.

Aliongeza kuwa Chama kimeanzisha mfuko wa pembejeo SACCOS wanachama wamechangia Dola 21,000.sawa na Tsh 33,390,000 kutokana usumbufu wanaopata pindi wanapokwenda kukopa katika taasisi za fedha na kiasi hicho kipo benki.

Alisema kila mwanachama katika chama hicho ametakiwa kuchangia kiasi cha dola 65.

Aidha alibainisha kuwa SACCOS hiyo itaanza kukopeshana pale wataalamu toka ofisi ya mkurgenzi wa halmashauri idara ya ushirika watakapokwenda kutoa muongozo.

Kwa uzalishaji wao mzuri wanachama waliamua kujilipa posho kila mmoja Tsh.15,000 sawa na 9,000,000 kwa wanachama 600.

MSIMU 2013-2014.

Mwenyekiti huyo alifafanua kuwa Chama kimekisia Mkopo wa pembejeo Dola 968,000 sawa ns sh 1,539,120,000 kutoka Benki ya NMB,ambapo chama kimekisia kupata kilogramu za tumbaku 1,400,000 zenye thamani ya dola 3,920,000 sawa na thamani ya sh 6,272,000,000 .

Aidha mwenyekiti huyo alisema kutokana na mkopo huo wanachama wameendelea kupokea pembejeo zao kulingana na mahitaji yao.

Aidha alifafanua kuwa katika suala la uzalishaji chama kimekisia mauzo ya Dola 3,920,000  sawa na Tsh 6, 272,000,000 ambayo italipa mkopo wa Benki na kubakiwa na Dola 2,952,000 sawa na Tsh 4,723,200,000.

Alisema fedha hizo zitalipwa na wakulima kwa Asilimia 100 na Chama kimekisia kupata ushuru Dola 98,000 sawa na Tsh 156, 800,000.

Changamoto za msimu wa 2013-2014.

Alisema ili kuuendeleza mfuko wa pembejeo kwa wanachama SACCO, wanachama wanategemea kuchangia Dola 84,000 sawa na Tsh.134,400,000.

Mazinge alisema mfuko huo wa pembejeo kwa msimu wa 2013/2014 chama kitachangia Dola 10.000 sawa na Tsh 16,000,000 kwa maana mfuko huo wa pembejeo utakuwa na Thamani ya Dola 115,000.sawa na Tsh 184,000,000.

Mwenyekiti huyo aliongeza kuwa kulingana na kupanuka kwa chama,  chama kimeamua kununua Computer yenye thamani ya Tsh 5.200,000 kwa msimu huu 2013/2014.

Aidha alisema wanachama pia waliazimia ununuzi wa gari aina ya fuso lenye thamani ya Tsh.30,000,000 kwa ajili ya kusafirisha pembeje na tumbaku ya wakulima.

Aidha alisema wanachama kwa kauli moja wamekubaliana kupitisha kiasi cha 10,500,000 kwa ajili ya posho na mkutano mkuu wa chama kwa msimu wa 2014/2015.

Aliongeza kuwa chama kimetenga pia kiasi cha sh 2,000,000 za ununuzi wa viti 100 kwa ajili ya wanachama kwenye mikutano yao na kutenga kiasi cha sh 570,000 kwa ajili ya malipo kwa ajili ya NSSF kwa watumishi wa chama chao.

Changamoto kuu.

Mazinge alibainisha changamoto kuu kwao kwa sasa kuwa ni mikopo ya pembejeo ikiwemo kuchelewa kwani pembejeo hiyo inakuja bila kuendana na kalenda ya kilimo.

Alitaja changamoto nyingine ni ukosefu wa miundombinu ya barabara kwani kumekuwa na ugumu sana kwenye usafirishaji wa tumbaku na pembejeo kwani hali ya barabara zao toka makao makuu ya wilaya ya Sikonge kuja kwenye kata siyo nzuri.

Aidha changamoto nyingine ni ukosefu wa maji safi na salama kwani maji watumiayo ni ya visima na madimbwi,miundombinu ya umeme kwani wananchi wana muamkom wa uchangiaji umeme.

Mwenyekiti wa kijiji cha kisanga anena.

Mwenyekiti wa kijiji cha Kisanga Yasin Matandula alitoa wito kwa jeshi la polisi kuangalia kwa umakini suala la usalama katika kata ya Kisanga kwani ni kata inayozalisha fedha nyingi sana za tumbaku.

Chama cha msingi Kisanga kinaundwa na mwenyekiti Rashid Mazinge,Waziri Mwilia makamu mwenyekiti,Seleman Msumeno,Ali Shaban,Mohammed Mwinyi,Issa Maliki,Yusuph Matandula,Nathan Peter na Athuman Majaliwa na diwani wa kata hiyo ni Abdalalh Msumeno na katibu meneja ni Athuman Malela.