DC ang’aka mwenyekiti wa kijiji kutimuliwa

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

MKUU wa Wilaya (DC) ya Igunga, Elibariki Kingu, amewakemea viongozi wa Chama Cha Mapinduzi (CCM) Kijiji cha Igurubi kwa kumfukuza kazi mwenyekiti wa serikali ya kijiji hicho, Selemani Mdeka, kwa madai ya kutofautiana kwa kauli.

Viongozi wa Serikali ya Kijiji cha Igurubi wanatokana na CCM na uamuzi wa kumfukuza mwenyekiti wa serikali ya kijiji aliyechaguliwa na wananchi umekifanya kijiji hicho kikose mwenyekiti wa kudumu kwa miezi minne sasa  na badala yake waliopo wanapokezana nafasi hiyo kulingana na mahitaji ya wakati.

Hata hivyo, mwenyekiti aliyetimuliwa kwa matakwa ya chama anaendelea na uanachama wake hali inayomfanya Ofisa Mtendaji Kata ya Igurubi kukosa sababu za kuomba ruhusa ya kufanya uchaguzi mdogo wa kuziba nafasi hiyo.

Chanzo;Tanzania Daima