ZAHANATI KUFUNGIWA UMEME WA JUA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

ZAHANATI zilizopo wilayani Igunga zinatarajiwa kufungwa umeme wa jua ili kuwaepusha wananchi kuchangia mafuta ya taa wakati wanapohitaji huduma nyakati za usiku katika zahanati hizo.

Akizungumza na wananchi wa Kijiji cha Mwasungho, Kata ya Ngulu, juzi katika ziara yake ya kuwahamasisha kujiunga na Mfuko wa huduma ya afya ya jamii (CHF) Mkuu wa Wilaya hiyo, Elibariki Kingu, alisema amewasiliana na Waziri wa Nishati na Madini, Profesa Sospeter Muhongo na kuahidi  kulitekeleza suala hilo.

Alisema kuwa suala hilo litafanywa kwa haraka na kwamba kazi iliyobaki sasa ni wataalamu wa masuala ya umeme vijijini (REA) kufanya tathmini ya jumla ya namna ya kuweka umeme huo katika zahanati hizo.

Chanzo:Tanzania daima